ەل چەمپيوناتى. تۇيىسۋ ويىندارى اياقتالدى (فوتو)

photo

تارازدا وتىپ جاتقان قازاقستان رەسپۋبليكاسىنىڭ ەرەسەكتەر اراسىندا كوكپاردان حىح كەزەكتى ەل چەمپيوناتىندا تۇيىسۋ ويىندارى اياقتالدى.

ەلىمىز بويىنشا 15 كوماندا قاتىسقان چەمپيوناتتا تۇيىسۋ ويىندارىندا تاقىم تۇيىستىرگەن تورت جۇپ – 8 كوماندا بولدى. ولار شقو مەن قىزىلودا وبلىسىنىڭ قۇراماسى, سقو مەن پاۆلودار وبلىسىنىڭ «ساتتى» كومانداسى, نۇر-سۇلتان قالاسى «استانا» كومانداسى مەن ماڭعىستاۋ وبلىسىنىڭ «اداي اتا» كومانداسى جانە قوستاناي وبلىسى قۇراماسى مەن قاراعاندى وبلىسى قۇراماسى بولاتىن.

سونىمەن العاش بولىپ الاڭعا شىققان شقو مەن قىزىلوردا قۇراماسى اراسىنداعى ويىن وتە تارتىستى وتتى. الايدا قىزىلوردانىڭ قىراندارى ويىن سوڭىندا ەسەپتى 8:3-پەن اياقتادى.

qyzyl-shqo

سالىم سالعاندار:

شقو: ارتۋر بيكينين – 1 سالىم, جاقسىلىق امالبەكوۆ – 1 سالىم, جارقىن جانبۋرشين – 1 سالىم.

قىزىلوردا وبلىسى قۇراماسى: اسحات مىرزاگەلديەۆ – 3 سالىم, نۇرلان جۇسىپوۆ – 1 سالىم, ناۋرىزحان امزيەۆ – 2 سالىم, اقجان تاشجانوۆ – 1 سالىم, نۇرلىبەك اسقاروۆ – 1 سالىم.

الاڭعا ەكىنشى بولىپ «ساتتى» مەن سقو قۇراماسى شىقتى. تىم تارتىستى ويىن بولا قويعان جوق. سقو ويىن باستالا سالىسىمەن الاڭ قوجايىنى وزدەرى ەكەنىن تانىتتى. تىپتى, «ساتتى» كومانداسىنا بىر سالىم سالۋعا دا مۇمكىندىك بەرمەدى. بۇل جاعداي ويىن سوڭىنا دەيىن ساقتالىپ, ەسەپ – 11:0 – سقو قۇراماسىنىڭ جەڭىسىمەن اياقتالدى.

paulo-cqo

سالىم سالعاندار:

«ساتتى» – 0

سقو: ەركەبۇلان دۇيسەكەەۆ – 1 سالىم, بەيبىت امانگەلدينوۆ – 2 سالىم, رۋسلان سماعۇلوۆ – 1 سالىم, دانييار عالينۇروۆ – 1 سالىم, نۇرسۇلتان ابەسوۆ – 4 سالىم, رينات يبراگيموۆ – 2 سالىم.

ەستەرىڭىزدە بولسا, 19-26 مامىر ارالىعىندا جامبىل وبلىسى, تاراز قالاسىنىڭ جانىنداعى بەكتوبە اتشابارىندا ۇلتتىق ات سپورتى تۇرلەرىنەن قازاقستان چەمپيوناتى وتىپ جاتىر. بۇگىن چەمپيوناتتىڭ كوكپار بويىنشا تۇيىسۋ ويىندارىندا ۇشىنشى بولىپ الاڭعا «استانا» كومانداسى مەن ماڭعىستاۋ وبلىسىنىڭ «اداي اتا» كومانداسى شىقتى.

ويىن بارىسىندا ەكى كوماندا دا جاقسى تارتىس جاسادى. دەگەنمەن نۇر-سۇلتاننىڭ مەرەيى ۇستەم بولىپ, ويىن سوڭىندا 7:2 ەسەبىمەن «استانا» كومانداسى «اداي اتا» كومانداسىن ايقىن باسىمدىقپەن ۇتتى.

Asta-man

سالىم سالعاندار:

«اداي اتا»: شىنبولات اقباەۆ – 2 سالىم.

«استانا»: ەرلان قاناپين – 3 سالىم, ارسلان قابجانوۆ – 3 سالىم, ەلدوس بايعازيەۆ – 1 سالىم.

تۇيىسۋ ويىندارىن تۇيىندەيتىن قوستاناي وبلىسى مەن قاراعاندى وبلىسى قۇراما كوماندالارى بولدى. سارىارقانىڭ ساڭلاقتارى مەن توبىلدىڭ توپجارعان جىگىتتەرى الاڭدا ايرىقشا ايقاس كورسەتتى. دوداپاز جىگىتتەر بىر-بىرىنە ەسە جىبەرمەس ۇشىن جان الىسىپ, جان بەرىسكەن سايىس بولدى.

سوعان قاراماستان قوستاناي جىگىتتەرى سالىم سانىن ارتتىرا تۇستى. ويىننىڭ بىرىنشى اينالىمىندا اسقان شەبەرلىك پەن ەرەكشە ەپتىلىك كورسەتكەن قوستانايلىقتار كوكپاردى قولدان-قولعا جۇگىرتتى. ەسەپ – 6:0, قوستاناي قۇراماسىنىڭ پايداسىندا.

qara-qos

سالىم سالعاندار:

قاراعاندى وبلىسى قۇراماسى – 0.

قوستاناي وبلىسىنىڭ قۇراماسى: قوبىلاندى دايىروۆ – 3 سالىم, ورالحان سۇلتان – 2 سالىم, باقداۋلەت اسانوۆ – 1 سالىم.

سونىمەن بۇگىن تۇيىسۋ ويىندارى اياقتالدى. ەرتەڭ تۇسكە دەيىن اۋدارىسپاق الىپتارى ورتاعا شىقسا, تۇستەن كەيىن ورىندار ۇشىن تالاس وتەدى.

ەندەشە قاي كوماندا نەشەنشى ورىن ۇشىن دوداعا تۇسەتىنىن دە ايتا كەتەيىك:

5-6-ورىندار ۇشىن قىزىلوردا وبلىسى قۇراماسى مەن سقو قۇراماسى;

7-8-ورىندار ۇشىن شقو مەن پاۆلودار وبلىسىنىڭ «ساتتى» كومانداسى;

9-10-ورىندار ۇشىن نۇر-سۇلتان قالاسى «استانا» كومانداسى مەن قوستاناي وبلىسىنىڭ قۇراماسى;

11-12-ورىندار ۇشىن ماڭعىستاۋ وبلىسى «اداي اتا» كومانداسى مەن قاراعاندى وبلىسى قۇراماسى سىنعا تۇسەتىن بولادى.

وسى جەردە ەسكەرتە كەتەتىن بىر جاعداي, بۇعان دەيىنگى ويىندارىنداعى ناتيجەلەرىنە بايلانىستى جانە كوماندالىق شەشىمدەرىمەن اقتوبە وبلىسى «الىم اتا» كومانداسى, بقو قۇراماسى مەن الماتى قالاسىنىڭ قۇراماسى ورىندار ۇشىن ويىنعا قاتىسپايتىندارىن ايتتى.

سوندىقتان ولاردىڭ بۇعان دەيىن جيناعان سالىم ساندارىن ەسەپتەي كەلە;

13-ورىن اقتوبە وبلىسى «الىم اتا» كومانداسى;

14-ورىن بقو قۇراماسى;

15-ورىن الماتى قالاسى قۇراماسى بولدى.

ايتپاقشى, بىز وسى اقپاراتتى جازىپ جاتقان ساتتە پاۆلودار وبلىسى «ساتتى» قۇراماسى 7-8-ورىندار ۇشىن شقو قۇراماسىمەن وينامايتىنىن حابارلادى. دەمەك, ەرتەڭ 7-8-ورىندار ۇشىن بولاتىن ويىن وتپەيدى. «ساتتى» كومانداسى باس تارتىپ, 7-ورىندى شقو قۇراماسىنا بەردى.

ەستەرىڭىزگە سالا كەتەيىك, «قۇلاگەر», «نارىن», «اۋليە اتا» جانە «جەكەباتىر» اراسىنداعى جارتىلاي فينال ويىندارى اياقتالعانىن بۇعان دەيىن حابارلاعانبىز. وندا «قۇلاگەر» مەن «نارىن», «اۋليە اتا» مەن «جەكەباتىر» ويناعان. ويىن ناتيجەسىندە تۇركىستان وبلىسى مەن جامبىل وبلىسىنىڭ كوماندالارى 1-2-ورىن ۇشىن, اتىراۋ وبلىسى مەن اقمولا وبلىسىنىڭ كوماندالارى 3-4 ورىن ۇشىن تالاساتىنى بەلگىلى بولعان ەدى.

اقتىق سايىس 26 مامىر كۇنى وتەدى.

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>