Ертең бәйге түрлерінен «ЭКСПО кубогі» өтеді

4188

Халықаралық мамандандырылған «ЭКСПО-2017» көрмесі аясында Қазақстан Республикасының Президенті Н.Ә. Назарбаевтың жүлдесіне ат спорты түрлерінен «ЭКСПО КУБОГЫ» өтеді.
Ат жарысы ертең 11-маусымында сағат 10:00-де Астана қаласының «Қазанат» ипподромында (Астана-Қосшы тасжолының бойында) басталады. Шараның ұйымдастырушылары ҚР Мәдениет және спорт министрлігі, ҚР «Ұлттық спорт түрлері қауымдастығы», Астана Әкімдігі, Алматы облысының әкімдігі және «Қазақстанның бәйге түрлері қоғамы». Әлеуметтік серіктес – «Samruk-Kazyna Trust» әлеуметтік жобаларды дамыту қоры.
Жарысқа еліміздің 14 облысы мен Астана және Алматы қалаларынан шабандоздар қатысады, сондай-ақ, РФ, Қырғызстан, Өзбекстан мен Польшадан қатысушылар келеді деп күтілуде.
Жарыс бағдарламасына аламан бәйге – 25 шақырым,
топ бәйге – 15 шақырым,
жорға жарысы – 7 шақырым,
құнан бәйге – 7 шақырым,
2400 және 1800 метрге ұшқыр аттар жарысы (гладкие скачки) өтеді.
Ұлттық ойын түрлері аламан бәйге, топ бәйге, жорға жарысы, құнан бәйге бойынша жүлде қоры – 36 млн теңгені құрап отыр.
Ал, ұшқыр аттар жарысына қойылатын сыйақы қоры – 63,6 млн теңге. Сома жүлдегерлер арасында 5-ші орынға дейін бөлініп беріледі.
Жарыстың үзіліс кезінде «Сайыс» (джигитовка), «Теңге ілу», «Жамбы ату», «Қыз қуу» сияқты ұлттық спорт түрлерінен көрсетілімдер ұйымдастырылады.
Айта кетейік, ҚР Мәдениет және спорт министрлігі «ЭКСПО-2017» халықаралық көрмесі аясында 18 ауқымды спорттық шара ұйымдастырады. Еліміздің өңірлері де спорттық жарыстардан қалыс қалмайды. Халықаралық көрме аясында Қазақстанның 14 облысында 20-дан астам спорттық сайыстар өткізіледі.
«ЭКСПО-2017» халықаралық мамандандырылған көрме аясында өтетін ат спорты түрлерінің бағдарламасын мына жерден көруге болады.

argymaq.kz

ПІКІР ЖАЗУ

Please Do the Math      
 

This site uses Akismet to reduce spam. Learn how your comment data is processed.

error: Content is protected !!