Сағи ЖИЕНБАЕВ. Арғымақ
Әзер-ақ жүр ме ең, жазған-ай,
Асау жел ойнап жас қанда.
Жарқ етіп қара найзағай,
Атылды-ау кенет аспанға.
Тоздырып жердің аяңы,
Жеттің бе бұған сағынып.
Тұяқпен сілкіп ауаны,
Тозаңнан бойың арылып.
Ұштың-ау бір сәт қайрылмай
Жердегі шәушік-шөгенге.
Қара жал – қара жаңбырдай
Жалтылдап жұмыр денеңде.
Беткейде тұрған үймелеп,
Пенделер көзге сенбестей, —
Ұштың — ау жалғыз дүниеге
Енді бір қайтып келместей.
Сағи ЖИЕНБАЕВ
(Тақырыпқа орай Жеңіс Кәкенұлының «Сыйлық» картинасы пайдаланылды. http://www.kakenuly.kz/2014/01/cyjlyq-ii/)