داۋىلباەۆ تۋرنيرى اياقتالدى

Kokpar Turkistan

اتاقتى كوكپارشى ابىلحان داۋىلباەۆ اتىنداعى تۋرنير بيىلعى جىلى جاستار اراسىندا وتەتىنى تۋرالى بۇدان بۇرىن دا حابارلاعان بولاتىنبىز. 26 قازان مەن 2 قاراشا ارالىعىندا وتكەن دۇبىرلى دودانىڭ  ۇزدىكتەرى انىقتالدى.

جاستاردى ۇلتتىق سپورتقا قىزىقتىرۋ, داڭقتى كوكپارشىنىڭ مەرەيىن كوتەرۋ  ماقساتىندا شىمكەنت قالاسىندا  كوكپاردان تورتىنشى رەت وتكىزىلگەن تۋرنيردىڭ جەڭىمپازى – تۇركىستان كومانداسى بولدى.

“بۇل تۋرنيرگە بارلىعى 8 كوماندا, اتاپ ايتقاندا, الماتى وبلىسى, الماتى قالاسى, ماڭعىستاۋ وبلىسى, شىمكەنت ات سپورتى ورتالىعىنىڭ «بۇركىت» كومانداسى, تۇركىستان وبلىسى, جامبىل وبلىسى, تۇركىستان وبلىسىنىڭ سايرام اۋدانى مەن تۇلكىباس اۋدانىنىڭ كوماندالارى قاتىستى” – دەپ حابارلادى ۇلتتىق سپورت قاۋىمداستىعىنىڭ باسپاسوز قىزمەتى.

جارتىلاي فينالدا  جامبىل وبلىسى مەن الماتى وبلىسى كوماندالارىنىڭ اراسىنداعى ويىن  8:3 ەسەبىمەن اياقتالدى. ال, اقتىق باسەكەگە شىققان  تۇركىستان وبلىسى  مەن  ماڭعىستاۋ وبلىسى  كوماندالارىنىڭ اراسىنداعى كەزدەسۋدە ەسەپ  11:1 بولىپ, تۇركىستاندىق جاستار داڭقتى كوكپارشى, كوماندالىق كوكپاردان كەڭەس وداعىنىڭ 9 دۇركىن چەمپيونى ابىلحان داۋىلباەۆ اتىنداعى تۋرنيردىڭ جەڭىمپازى اتاندى.

سونىمەن بيىلعى تۋرنيردىڭ جەڭىمپازدارى تومەندەگىدەي.

1 ورىن – تۇركىستان وبلىسىنىڭ جاستار كومانداسى
2 ورىن – ماڭعىستاۋ وبلىسىنىڭ جاستار كومانداسى
3 ورىن – جامبىل وبلىسىنىڭ جاستار كومانداسى

argymaq.kz

دوباۆيت كوممەنتاريي

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *

Please Do the Math      
 

موجنو يسپولزوۆات سلەدۋيۋششيە HTML-تەگي ي اتريبۋتى: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>